Saturday, December 15, 2007

Hiji Mangsa Basa Helloween Datang (Dongeng Metal kangge Yadi SS)

Yad, teu nyangka euy, opat taun pas jenat-na maneh, Helloween datang jeung ngagebrak panggung rock lemah cai urang. Hanjakal sih, nu jadi vokalis-na geus lain Michael Kiske. Padahal, baheula urang ngakhayal jeung maneh, mun Helloween jeung Kiske datang ka endonesia, kajeun ngajual kaset atawa calana urang bakal ngajugjug ka Jakarta. Eh, ayeuna maneh geus euweuh, eta Helloween-na datang. Bari baririhan ceurik, urang ningali Andi Deris, vokalis anyar Helloween mawakeun Keeper Of The Seven Keys. Beu, Yad, deudeuh teuing, eta lagu nu mindeng di-ulik ku barudak jeung maneh, pas erek ngiluan festival di Surabaya.

Sanggeus ti Surabaya oge, Yad, Helloween mampir ka Jakarta. Nu muka-na grup nu dibobotohan ku urang-urang keneh : Sucker Head. Aya kana lima rebu nu lalajona oge. Masya Allah, inget keur ngora…ngan luncat jeung headbang weh urang harita. Aya ku lucu oge sih, meuni bari cukclak cipanon, inget ka ente. Oh enya Yad,…Helloween teh datang kadieu sanggeus manehna mereskeun World Tour-na di Amerika, jeung di lemah cai-na Akira Takasaki (gitaris Loudness), nyaeta Jepang.

Helloween ayeuna digawangan ku Andi Deris (vokal), Michael Weikath (gitar), Sascha Gerstner (gitar), Markus Grosskopf (bass), jeung Stefan Scharpman (drum). Kabeh geus tereh opat puluhan umurna, salian si Sascha gitaris anyarna. Kai Hansen mah (ex-gitar) geus kaluar harita, disusul ku Michael Kiske (eks-vokalis), jeung ari Ingo Swichtenberg mah bunuh diri, Yad. Meureun stress dikaluarkeun ti Helloween. Duh, teu nyangka nya euy. Tah, ari Roland Grapow (eks-gitar), denge-denge mah sibuk solo karier cenah. Meureun hayang nyaingan Kang Satriani atawa Mang Stevie Vai nyak ? Eta konser pas Sucker Head ngabuka mah taraptip, Yad. Urang reuwas pas nu narongton ngacuhkeun grup Relp (teuing grup ti mana eta the…poek !!!). Pas vokalisna ngalungkeun topi ka nu narongton, eta topi dibaledogkeun deui ka panggung. Suwe pokona mah grup Relp teh, Yad.

Aya untungna, teu lila reb bray lampu mangrebu Watt, bareng ngiringan sora guruduk Drum tambah gitar gegerungan. "Hello Jakarta. Very far away. I can't touch you."koceak Deris maratan langit, sabada mawakeun We Burn (ti album Time Of The Oath) jeung Kids Of Century (ti album Pink Bubble Go Apes).

Sanggeus Keeper dibawakeun…urang headbang tur ngiluan irama lagu Future World, Eagle Fly Free, How Many Tears, jeung Dr. Stein dengan garang. Duet gitaris jeung bassist-na teu weleh nangtung ngajajar bari ngagebretkeun buukna ka hareup. Tah, jiga Cliff Burton atawa Dadan Buzil, bassist grup Rudal ti kopo tea. Raat sakeudeung pas Helloween mawakeun Forever and One. Sugan urang rek mawakeun Your Turn sanggeusna, ari pek teh mawakeun Power euy ! Nya kapaksa geus beuheung nyeri oge ngiluan headbanging deui (teu inget budak, teu inget bumi alam…)

Baheula, urang jeung si Arif sok pasea pas ngomongkeun saha nu mangaruhan musikna Helloween. Ceuk si Borif mah Iron Maiden, ari ceuk urang mah Judas Priest. Ngan ceuk pangamat musik Denny Sakrie mah, Helloween teh beunang pangaruh duanana. Denny nyontokeun gaya haleuang Michael Kiske nu abus wae kana high pitch (jangkauan nada tinggi) siga Rob Halford (vokalis Judas Priest) jeung Bruce Dickinson (Iron Maiden). Karakter eta diseukeutan deui ku Andi Deris nu teu asa-asa ngajerit jiga ucing kagencet, di lagu-lagu mula albeum “Master Of The Rings” en “Time Of The Oath”. Helloween oge asup kana aliran power metal nu mangsa kadieu ngageser kana ciri speed metal.

Naon cik ceuk barudak underground ngomentaran skill-na Helloween. Ceuk si Ombat Nasution, vokalis Tengkorak mah :”Bahaya” . Artina kurang-leuwih garang ! Ombat mah ngarasa gandrung ningali Helloween teh."Musikna konsisten bari power vokal-na Andi Deris bisa ajeung nepi ka beres," Manehna oge ngajelaskeun, musik ti Eropa mah emang tidituna didukung ku skill nu asak tur ulinan nu kompak. … aaah hanjakal teu jeung maneh urang headbanger-na…

No comments: